Конрад Аденауэр атындағы Қордың жұмысының басты ұстанымдары еркіндік, әділдік және ынтымақтастық болып табылады. Конрад Аденауэр атындағы Қор саяси қор болып саналады, бұл ұйым негізгі тұжырымдары бойынша ГФР-ның жетекші партияларының бірі – Христиандық-Демократиялық Кеңеспен (ХДК) жақын тұр.
Конрад Аденауэр атындағы Қордың басым бағыттары болып келесілер табылады:
Қазақстандық ЖОО-дарының студенттеріне арналған жергілікті гранттардың Sur-Place бағдарламасы 2007 жылдан бері Қазақстанның жас элитасын қолдап келеді, осылайша ол демократияландыру процесі мен азаматтық қоғамның құрылуына үлес қосып жатыр.
MediaNet Халықаралық журналистика орталығы – 2004 жылы бір топ қазақстандық журналистердің күшімен құрылған коммерциялық емес сипаттағы үкіметтік емес ұйым. Ақпарат айдындында белсенді жұмыс жасап келе жатқан он төрт жыл ішінде ұйым жүзден астам жобаны жүзеге асырды. Осы уақыт ішінде MediaNet 200-ден астам ұйымдар мен бұқаралық ақпарат құралдарымен бірлесе жұмыс істеді.
MediaNet Халықаралық журналистика орталығының негізгі жұмыс бағыттары: медиа саласында білім алуды дамыту, медиа-сала мамандарын дайындау, БАҚ пен қоғам арасында тиімді байланыс орнату, қоғамдық пікірді және сарапшылар болжамын зерттеу және т.б.
Ұйымның жүзеге асырған және жүзеге асырып жатқан жобалары:
– Медиа-Мектеп – 2005 жылдан бастап тұрақты жұмыс істеп келе жатқан тәуелсіз журналистика мектебі. Осы уақытқа дейін мектепті мыңдаған адам бітірді. Олардың көбі қазір медиа саласының сапалы мамандары: журналистер, редакторлар және қоғаммен байланыс саласының майталмандары.
– «Қазақстандағы практикалық журналистика» (үш рет басылған) – журналистер, заңгелер, PR саласының мамандарынан тұратын он сегіз автор дайындаған оқу құралы. Оқулық Қазақстан бойынша көптеген жас журналистер үшін негізгі көмекші құралға айналды.
– DEMOSCOPE қоғамдық пікірге жедел мониторинг жүргізу бюросы – өзекті тақырыптар бойынша тез арада Қазақстан азаматтарының пікірін анықтауға арналған.
– «Қазақстандық ҮЕҰ анықтамалығы» – Қазақстанда жұмыс жасап жатқан 640-қа жуық белсенді қоғамдық ұйымдар жайлы ақпараттан тұратын жинақ.
– «Орталық Азиядағы интернет саласының дамуы InternetCA» атты жыл сайын өткізілетін Орталық Азия форумы 2005 жылдан бері өткізіліп келеді. Форум – Еуропа және Орта Азия елдері сарапшыларының пікірі талқыға түсетін алаң деп есептеледі.
– Internet4U – интернет және бизнес сауаттылықты арттыруға арналған тегін курстар. Жоба әдіснамасы еуропалық тәжірбиеге сүйене отырып жасалған.
– factcheck.kz – маңызды ақпараттар мен деректерді, пікірлерді растығын тексеруге арналған Қазақстандық және Орталық Азиялық тұңғыш фактчекингтік ресурс
Сонымен қатар, MediaNet әртүрлі семинарлар мен тренингтер өткізеді. Олар: Ақпаратты визуализациялау, мультимедиалық журналистика, журналистік зерттеу, экологиялық журналистика, тележурналистика, журналистік этика және т.б. «Қазақстандағы Парламенттік журналистика» және «ҮЕҰ, БАҚ және мемлекеттік мекемелер: тиімді байланыс орнатудың кілті» атты практикалық нұсқаулықтар, «ЖОО-да медиалық құқықты оқыту», «Экологиялық журналистика» сынды бірнеше кітаптар MediaNet халықаралық журналистика орталығына тиесілі.
Қазіргі таңда MediaNet халықаралық журналистика орталығы қоржынында журналистер, блогерлер, ҮЕҰ, мемлекеттік мекемелер мен халықаралық ұйымдар өкілдеріне арналған 150-ден астам жоба бар.
Сарапшылар Орталық Азия елдеріндегі интернетті реттеу жайын талқылайды
18-19 қарашада «InternetCA-2021 Орталық Азиядағы интернет саласының дамуы» атты XII Орталық Азиялық форум өтеді.
InternetCA-2021 тақырыбы: ИНТЕРНЕТТІ РЕТТЕУ
Талқыланатын тақырыптар:
Қатысу үшін 17 қарашаға дейін мына сілтеме арқылы өтіп,
https://docs.google.com/forms/d/e/1FAIpQLSeKpTuqjR940YWWyvjtLSUR22o0cqCxZa-q6rZYIDP4HmgJiQ/viewform?usp=sf_link тіркелу керек.
18 қараша Форумның екі сессиясындағы сарапшылардың баяндамаларын онлайн форматта тыңдауға болады.
«Интернетті реттеу: Қазақстан және халықаралық тәжірибе» тақырыбындағы бірінші бөлімде Қазақстан, Австрия, Беларусь, Ресей сарапшылары халықаралық құқық пен қазақстанды заңнамаларға сүйене отырып, мемлекеттің интернетті реттеу үшін қандай шаралар қолданып жатқанын және өзін-өзі реттеу механизмдерін талқылайды.
«Орталық Азия елдеріндегі интернетті реттеу» тақырыбындағы екінші сессия интернетті басқару саласындағы негізгі тенденцияларға арналады. Қазақстан, Тәжікстан, Қырғызстан, Өзбекстан Түрікменстан елдерінің сарапшылары әр елдегі заңнамалық бастамалар, бұғаттау, цензура секілді сөз бостандығына әсер етіп жатқан заңнамаларға, шектеу шараларына және т.б. жағдайларға баға береді.
Форум бағдарламасы: https://drive.google.com/drive/folders/1ktQaGeTo-85YQ8fAfSeIcqB6_KzHxSOD?usp=sharing
Форум гибрид форматта өтеді:
18 қарашада пікірталас және спикерлердің сөзі әлеуметтік желілер арқылы ОНЛАЙН форматта трансляцияланады
19 қарашада презентациялар мен мастер-класстар ГИБРИД форматта өтеді. Спикерлер мен қатысушылардың бір бөлігі Алматы қаласындағы мәжіліс залына шақырылады. Басқа қатысушылар үшін онлайн-трансляция қосылады.
Онлайн-трансляция 18 және 19 қарашада 11:00-16:00 аралығында (Нұр-Сұлтан уақытымен) MediaNet-ң Facebook-тегі парақшасында орыс тілінде, YouTube арнада қазақ тілінде жүргізіледі.
Форум қазақша, орысша, ағылшынша өтеді.
InternetCA-2021 форумын MediaNet халықаралық журналистика орталығы, Конрад Аденауэр қор және Нұр-Сұлтандағы ЕҚЫҰ Бағдарламалар офисінің қолдауымен өткізгелі отыр.
—————————————————
Қосымша сұрақтар бойынша:
Думан Смаков, smakov@medianet.kz
Снежана Цой, snezhana.tsoy@medianet.kz
тел. +7 727 339 0551.
Форумның суреттерін мына жерден көре аласыздар.
«Орталық Азиядағы интернет саласының дамуы InternetCA-2021» Орталықазиялық интернет форумы
Жыл сайын өткізілетін «Орталық Азиядағы интернет саланың дамуы InternetCA-2021» атты Орталық Азия форумы 2021 жылы он екінші рет сарапшылардың басын қоспақшы. Іс-шараны MediaNet Халықаралық журналистика орталығы Конрад Аденауэр қоры және Нұр-Сұлтандағы ЕҚЫҰ Бағдарламалар офисінің қолдауымен ұйымдастыруда. Форумда Еуропа, Қазақстан, Тәжікстан, Қырғызстан, Өзбекстан және Түрікменстан, Ресей, Украина, Сингапур, Индия, Түркиядан келген сарапшылар өз аймақтарындағы ғаламтордың мүмкіндіктері мен өзекті мәселелері жайлы ой-пікірлерімен және тәжірибесімен бөліседі.
Форумның негізгі тақырыптары өзгеріп отырады: ақпараттық қауіпсіздік, желіні реттеу т.б.
Биылғы InternetCA тақырыбы: «ИНТЕРНЕТТІ РЕТТЕУ»
Он екі жыл ішінде форум Еуропа елдері, Қазақстан, Тәжікстан, Қырғызстан, Өзбекстан және Түрікменстан, Ресей, Украина, Сингапур, Индия, Түркиядан мың жарымға жуық сарапшылар, қоғамдық және халықаралық ұйымдар мен мемлекеттік мекемелер өкілдерінің, журналистер, блогерлер, ғалымдар, депутаттар, дипломаттар және заңгерлердің басын қосты.
Іс-шарада Интернет дамуына қатысты құқықтық, саяси және әлеуметтік тақырыптар козғалады.
Форум қазақ және орыс тілдерінде (ілеспе аударма көмегімен) өткізіледі.
